DOM: Katibu Mkuu, Wizara ya Viwanda, Biashara na Uwekezaji Prof. Elisante Ole Gabriel amefanya ziara ya kikazi ya kutembelea eneo la wizara hiyo lililopo Zuzu jijini Dodoma liliyotengwa kwa ajili ya kongano la Viwanda (Industrial Cluster) .

Ziara hiyo imefanyika leo ikiwa na lengo la kukagua na kuhakiki mipaka ya eneo hilo linalotarajiwa kujengwa viwanda vidogo.

Katika ziara hiyo katibu huyo aliongozana na Naibu katibu mkuu wa wizara hiyo Prof. Joseph Buchweishaija pamoja na wakuu wa idara na vitengo.