Dar es salaam: Kamanda wa Polisi wa Kanda maalumu ya Dar es salaam Lazaro Mambosasa amempa pongeza mwanaharaki wa mitandao ya kijamii anayeisha nchini Marekani Mange Kimambi kwa kuacha Tabia yake ya Kuikosoa serekali.

Akiongea na waandishi wa Habari LEO Mei 11, 2018 Mambosasa amesema Watanzania wanatakiwa kufika mahali wachague watu wa kuwashabikia. "Aprili 26 wananchi wa kanda yangu walipuuza uhamasishaji wake katika mitandao ya kijamii, sasa Mange huyo huyo anaipongeza Serikali,” amesema.

Amesema kwa kuwa ameipongeza Serikali nao wanampongeza kwa kuwa sasa amerudi kundini. "Nampongeza kwa kuwa amerudi kundini alikuwa anapotosha na Watanzania walipopuuza na yeye ameamua kurudi na kuipongeza Serikali,” amesema Mambosasa. Kuhusu watuhumiwa waliokamatwa wakihusishwa na maandamano ya Aprili 26, Mambosasa amesema walioshukiwa kufanya walihojiwa na kupata dhamana.

Mange kimambi alikuwa kinara wa kushawishi watu kuandamana Aprili 26, 2018 katika maadhimisho ya muungano wa Tanganyika na Zanzibar na kushuhudiwa kuwa na mwiitikio hasi kutoka kwa wananchi wa Tanzania.