Berlin Ujerumani: Chama chenye idadi ya viti vingi bungeni cha Christian Democratic Union (CDU) Kinacho ongozwa na Kansela Angela Merkel Jana Kimeshinda uchaguzi mdogo wa jimbo la Saarland la magharibi mwa nchi ya Ujerumani, ambapo wapiga kura laki 8 walipiga kura kuwachagua wabunge.

Uchaguzi huo ni wa kwanza kufanyika wa majimbo ya Ujerumani kabla ya uchaguzi mkuu wa mwezi Septemba mwaka huu. Chama cha kihafidhina cha kansela Angela Merkel cha Christian Demokratik Union(CDU) kilipata ushindi dhidi ya washindani wake wa chama cha Social Demokratik (SPD). Chama cha CDU kilipata asilimia 40.7 huku chama cha SPD kikipata asilimia 29.6 katika uchaguzi huo uliofanyika katika jimbo hilo linalopakana na Ufaransa.

Chama cha Social Demokratik kimepata pigo kutokana na kushindwa kwake katika uchaguzi huo wa jana hasa kutokana na chama hicho kujiimarisha katika kipindi cha muda mfupi tangu Martin Schulz kuchukuwa nafasi ya uongozi wa chama hicho.