Dar es salaam: Mkurugezi na Mmiliki wa kampuni ya Bakhresa Group of Companies Said Salim Bakhresa ametangaza kuanzisha kampuni ya mawasiliano ya Azam mobile network itakaofanya kazi ndani ya Tanzania.

Akihojiwa Jana June 24, 2018 na Gazeti la The Citizen Mkurugenzi wa Bakhresa Group Corporate Hussein Sufian Ally amesema kuwa mtandao huo wa simu utazinduliwa miezi michache ijayo kuanzia hivi leo(jana) na kusema kuwa mtandao huo unakusudiwa kutoa huduma kwa gharama nafuu kwa watanzania, na usikivu mzuri wa mawasiliano kwa watumiaji wake.

Aidha Sufian amesema kuwa mtandao huo utakuwa na kasi ya Internet ya hali ya juu yenye 4G, na pia wamejipanga kutumia teknologia ya kisasa inayotumika ulimwenguni kwa sasa ili kuendana na mahitaji ya soko. " tunajua tunaingia kwenye secta yenye ushindani nchini, lakini tunaomba kila mmoja akae mkao wa kula kupata hudama bora zenye viwango vya kimataifa kwa gharama nafuu" alisema Sufian.