Dodoma: Siku chache baada ya kumalizika kwa mkutano wa Halimashauri kuu ya CCM ambao ulikuwa na matukio makubwa mawili miongoni wa hayo ilikuwa ni kubadili kanuni na vifungu vya sheria ya katiba ya CCM,( kwa kupunguza idadi ya washiriki kwenye vikao vikuu vya CCM, na ajenda ya pili ilikuwa kuwatimua wanachama waliopewa jina la usaliti na chama hicho, ambao wanachama 12 Kati ya 14 wa CCM walitimuliwa). Rais John Pombe Magufuli aliitisha kikao cha siri na wabunge wa chama hicho na kuwabainishia kuwa anamuunga mkono waziri mkuu Kassimu Majaliwa hata kama wapo miongoni mwao wanaompinga.

Licha ya kumpa sifa Majaliwa, mwenyekiti huyo amewaonya wabunge wa chama hicho wanaotoa muda wao wakuchangia bungeni kwa upinzani huku akielezwa kukerwa na wabunge wanaofifia vita ya dawa za kulevya na mmoja akimtuhumu kutoa siri za chamakwa wapinzani .

Rais Maguli aliyekutana jana na wabunge hao ikulu ndogo ya Chamwino mjini hapa, lakini pia aliongeza kwa kusema kuwa yeye ndiye aliyeamua kusitisha mikutano ya wabunge kuonyeshwa moja kwa moja katika televisheni.

Hata hivyo kikao hicho cha ndani kimefanyika siku moja baada ya ya kumalizika mkutano wa CCM mjini hapa na kupitisha mageuzi makubwa na kanuni kwa chama hicho tawala.