Baada ya Mchekeshaji Ebitoke kudai kuwa hamfahamu Shilole kama msanii bali ni Mpishi, hatimaye Shilole amejibu kauli hiyo.

Hapo jana May 09, 2018 kupitia Kikaangoni EATV Ebitoke alieleza kuwa hazijui nyimbo za Shilole na kueleza kuwa kauli hiyo sio kiki.

Shilole amesema hawezi kuongea na Ebitoke kwa sababu hana fedha na isitoshe kwa kipindi hiki hatoi kiki.

“Nyumbani kwake ananitazama kila siku, wengine wanapenda wanisikie nikiongea, mimi siwezi kuongea na mtu ambaye hana hela, lakini wakati huo ananijua na ananiangalia kwenye tv sebuleni kwake, mimi sitoi kiki sasa hivi,” amesema Shilole.

Msanii Shilole wimbo wa mwisho kutoa unaitwa Kigori ambao ulitoka Augost 2017, hata hivyo kwa sasa amejiingiza katika biashara ya chakula ambapo anamiliki mgahawa uitwao Shishi Food