MKALI wa muziki wa nchini Rashidi Makwiro,Chid Benz amesema licha ya kuzama katika matumizi ya dawa za kulevya hakuna anachojutia katika maisha yake.

Muimbaji huyo alisema kutokana na mashabiki wake kuwa bega kwa bega kwenye shida na raha,hana sababu ya kujutia kwa yale yanayomtokea.

Akizungumzia hilo kwenye mahojiano mafupi na Wasafi Tv alisema hapendi kuongelea masuala ya madawa kwani mambo hayo yameshapita.

“No!no!,tusiongelee mambo ya madawa maisha ndio yapo hivyo,hamna kitu ninachojutia siwezi kujutia nilikolabo na wasanii,siwezi kujutia yaliyonikuta,siwezi kujutia mabadiliko yangu, siwezi kujutia chochote kilichonipata,” alisema Chid Benz.

Alisema mashabiki wake wamekuwa wakimuunga mkono hata pale anapotangaza kufanya shoo mikoani,hivyo kwa sababu hiyo hawezi kujutia.

Katika hatua nyingine Chidi Benz alisema karibia studio zote alizoanya kazi kuna nyimbo zaidi ya saba hivyo muda wowote atatoa wimbo